नेपाल पत्रकार महासंघ केन्द्रिय कार्य समित आयोजना र नेपाल पत्रकार महासंघ सुनसरीको संयोजनमा सात दिने आधारभूत पत्रकारीता तालिम सम्पन्न भएको छ ।
गत फागुन १७ गतेबाट सुनसरीको इटहरी र इनरुवामा भएको तालिम आइतबार सम्पन्न भएको हो । तालिममा सुनसरीका ४० जना नयाँ तथा पुराना पत्रकारहरुको सहभागिता रहेको थियो । सुनसरीका सञ्चार गृहमा आएका नयाँ पत्रकारहरुलाई लक्षित गरेर तालिम सञ्चालन गरिएको महासंघका सुनसरी अध्यक्ष अमर खड्काले जानकारी दिनुभयो । उहाँले धेरै जसो कसैको लहैलहैमा लागेर वा रहरले पत्रकारीतामा लाग्ने गरेको र उनिहरुमा आधारभूत ज्ञान नै नहुने भएकाले यो तालिमल विशेष भूमिका खेल्ने बताउनुभयो । उहाँका अनुसार पुनः ६ महिनापछि एड्भान्स पत्रकारीता पनि सञ्चालन हुने छ ।
युरोपियन युनियनको आर्थिक सहयोगमा सञ्चालन भएको तालिमको सहजिकरण नेपाल पत्रकार महासंघका पुर्व अध्यक्ष तथा वरिष्ठ पत्रकार धर्मेन्द्र झा ले गर्नुभएको थियो । पछिल्लो समय पत्रकारीता क्षेत्र व्यवसायीक बन्दै गएकाले नयाँ पुस्ताको प्रवेश बढेको झाको भनाइ छ ।
लामो समयदेखि पत्रकारीता गरिरहेका र नयाँ पुस्ताका पत्रकारले पनि यो तालिमले आफूलाई पत्रकारीता के हो र कसरी गर्ने भन्ने विषयमा थाहा भएको बताएका छन् । आफूले सिकेको कुरा व्यवहारमा पनि प्रयोग गर्ने उनिहरुले प्रतिवद्धता व्यक्त गरेका छन् । सहभागिहरुलाई महासंघल आधारभूत तालिमको प्रमाणपत्रसमेत प्रदान गरेको छ ।
Copyright © 2019 / 2026 - Junkirikhabar.com All rights reserved
