२०७७ सालको माध्यमिक शिक्षा परीक्षा (एसईई) तथा कक्षा १२ को परीक्षा आगामी जेठमा हुने भएको छ ।
राष्ट्रिय परीक्षा बोर्डको मंगलबार बसेको बैठकले जेठमा परीक्षा गर्ने निर्णय गरेको हो । एसईई जेठ १३ देखि २४ गतेसम्म र कक्षा १२ को परीक्षा जेठ २६ देखि सुरु हुने बोर्डका सदस्य सचिव दुर्गाप्रसाद अर्यालले जानकारी दिए ।
यसअघि बोर्डले नै सञ्चालन गर्दै आएको कक्षा ११ को परीक्षा भने यसपालि सम्बन्धित स्कुलले नै लिने गरी जिम्मा लगाइएको छ । गत वर्ष एसईई कोरोना भाइरस महामारीका कारण स्कुलले नै लिएको थियो।
Copyright © 2019 / 2026 - Junkirikhabar.com All rights reserved
