फागुन २९, २०७७
जुनकिरी खबर

इटहरीमा हेल्पिङ यूथ फर ब्लडको रक्तदान कार्यक्रम सम्पन्न

सडक दुर्घटनामा परि घाइतेहरूको उपचारको लागि हेल्पिङ यूथ फर ब्लडको आयोजनामा इटहरीमा रक्तदान कार्यक्रम आयोजना गरिएको छ ।

इटहरी ९ स्थित नयाँ बजार अगाडी रक्तदान गरिएको हो । कार्यक्रममा ५४ जनाले रक्तदान गरेका थिए । रक्तदान कार्यक्रममा विभिन्न संघसंस्थाहरुले समेत सहकार्य गरेका थिए । कार्यक्रमको प्रमुख अतिथि उघोग वाणिज्य सङ्घ इटहरीका अध्यक्ष भीम पौडेल थिए ।

आयोजक हेल्पिङ यूथ फर ब्लडका अध्यक्ष विकल पौडेलले सडक दुर्घटनामा परि घाइतेहरूको रगत अभावको कारण मृत्यु हुन नदिन कार्यक्रम आयोजना गरिएको जानकारी दिनुभयो ।

रक्तदान कार्यक्रमलाई धरानस्थित बिपी कोइराला स्वास्थ्य विज्ञान प्रतिष्ठानको ब्लड बैङ्कले प्रबिधिक सहयोग गरेको थियो । कार्यक्रमको संयोजक विनोद कार्की रहेका थिए । कार्यक्रमका संयोजक कार्कीले आगामी दिनमा पनि यस्ता सामाजिक कार्यक्रम निरन्तर गर्ने बताउनुभयो ।

यस्तै इटहरीमा दशनामी समाज इटहरीले समेत रक्तदान कार्यक्रम आयोजना गरेका थियो ।