चैत २, २०७७
जुनकिरी खबर

सुनसरीका चारजना पत्रकार नगदसहित सम्मानित

नेपाल पत्रकार महासंघ सुनसरीले जिल्लाका चारजना पत्रकारलाई सम्मान गरेको छ ।

सोमबार इटहरीमा महासंघ सुनसरीले एक कार्यक्रमको आयोजना गरी जिल्लाका चारजना पत्रकारलाई नगदसहित सम्मान गरेको हो ।

नेपाल पत्रकार महासंघ सुनसरीका अध्यक्ष अमर खड्काका अनुसार सम्मानित हुनेमा अग्रज पत्रकार सुविद गुरागाई, गोपाल देवान, चेतन धमला र रश्मी प्रधान रहेका छन् ।

पूर्व अर्थमन्त्री तथा नेपाली कांग्रेसका केन्द्रीय सदस्य ज्ञानेन्द्रबहादुर कार्कीले स्थापना गरेको स्व. गिरिजाप्रसाद कोइराला स्मृति पुरस्कारबाट अग्रज पत्रकार सुविद गुरागाई र चेतन धमलालाई नगद पच्चीस हजार रुपैयाँसहित सम्मान गरिएको थियो । त्यस्तै, अग्रज पत्रकार सालिग्राम पान्डे र मेनुका पान्डेले माता लक्ष्मी र पिता चन्द्रबहादुर पान्डेको नाममा थापना गरेको चन्द्र-लक्ष्मी स्मृति सृजनशील पत्रकारिता पुरस्कारबाट अग्रज पत्रकार गोपाल देवानलाई नगद ११ हजार १ सय ११ रुपैयाँसहित सम्मान गरिएको थियो ।