बेलबारी नगरपालिकाको सातौँ नगरसभा दुईवटा विधेयक पास गर्दै समापन भएको छ । नगरसभाले वातावरण तथा प्राकृर्तिक स्रोत संरक्षण विधेयक र सौर्यऊर्जा प्रवर्धन विधेयक पास गर्दै नगरसभा समापन भएको हो ।
स्वच्छ र स्वस्थ वातावरणमा बाँच्न पाउने नागरिकको मौलिक अधिकारको संरक्षण गर्नका साथै प्राकृतिक स्रोतको समुचित उपयोग एवम् दिगो व्यवस्थापन गर्नका लागि वातावरण तथा प्राकृर्तिक स्रोत संरक्षणसम्बन्धी कानुन बनाइएको नगर प्रमुख ज्ञानेन्द्र सुवेदीले बताए ।
नगरसभाले नगरमा आफैँ वैकल्पिक ऊर्जा उत्पादन गर्ने गरी सौर्यऊर्जा प्रवर्धन विधेयक पास गरेको छ । बेलबारीले वैकल्पिक ऊर्जा उत्पादन गर्ने तयारी गरिरहेको छ । प्रकृतिमा निरन्तर रूपमा प्राप्त भइरहने र प्रयोगबाट न्यून वातावरणिय असर पर्ने भएकाले वैकल्पिक ऊर्जामा जोड दिएको नगर प्रमुख सुवेदीले बताए ।
वातावरणीय असरसमेत नगर्ने भएपछि वैकल्पिक ऊर्जामा जोड दिएको प्रमुख प्रशासकीय अधिकृत प्रदीप शाहले बताए ।
Copyright © 2019 / 2026 - Junkirikhabar.com All rights reserved
