प्रदेश १ मा नेकपा माओवादी केन्द्रकाे संसदीय दलकाे नेतामा इन्द्रबहादुर आङ्बो चयन भएका छन् ।
साेमबार बसेको दलको बैठकले पूर्व आर्थिक मामिला तथा योजना मन्त्री रहेका आङ्बोलाई दलको नेतामा चयन गरेको हो । यसैगरी बैठकले उपनेतामा रामकुमार राई, प्रमुख सचेतकमा झलकसिंह दर्लामी र सचेतकमा शौभाग्यवतिदेवी राईलाई चयन गरेकाे छ । बैठकले माओवादी केन्द्र छाडेर एमाले प्रवेश गरेका दलका नेता टंक आङ्बुहाङलाई कारबाही गर्ने निर्णय पनि गरेकाे छ । उनकाे कारबाहीका लागि स्पष्टीकरण साेध्ने निर्णय गरेकाे माओवादी केन्द्रले जनाएकाे छ ।
माओवादी केन्द्र छाडेका आङ्बुहाङ वर्तमान सरकारमा आर्थिक मामिला तथा याेजनामन्त्री छन् ।
Copyright © 2019 / 2026 - Junkirikhabar.com All rights reserved
