प्रदेश १ मा नेपाली कोदोको रक्सीलाई ‘ब्राण्डिङ’ गरी बिक्री वितरण गर्न कानुनी र व्यवहारिक पक्षको अध्यायन गरिने भएको छ। स्थानीय स्थरमा उत्पादिन कोदोबाट गाउँ गाउँमा बनाइने मदिरा (लोकल रक्सी) लाई व्यवसायिक रुपमा बिक्री खुला गर्ने विषयमा प्रदेश सरकारले चासो दिएको हो।
‘गाउँमा स्थानीय स्रोत साधनको प्रयोग गर्दै कोदोबाट रक्सी बनाएर खाने र बिक्री हुने गरेको नयाँ होइन्,’ सामाजिक विकासमन्त्री उषाकला राईले भनिन्, ‘यो बिक्री गर्न कानुनले बन्देज लगाएकाले यसको समाधान खोज्न हामी लागेका छौँ।’ उनले ‘ब्याण्ड भर्सेज ब्राण्ड’ को अवधारण प्रदेश सरकारले ल्याएको समेत जानकारी दिइन्।
मन्त्री राईले विदेशबाट ठूलो परिणाममा मदिरा आयात गरी नेपाली पैसा विदेश पुगेको समयमा यो क्रमलाई रोक्न पनि नेपालमानै उत्पादन हुने लोकल मदिरालाई ब्राण्डिङ’ गर्न आवश्यक रहेको बताइन्। ‘हामी एक बोतलकै हजारौँ रुपैयाँ पर्ने विदेशी मदिरालाई ‘चियर्स’ गरेर रमाउँछौँ, यसले नेपाललाई फाइदा पुर्याउँदैन,’ उनले भनिन् ‘अब हाम्रो लक्ष भनेको लोकल रक्सीलाई ब्राण्डिङ गरेर स्थानीय नागरिकको पनि आर्थिक अवस्थाको सुधार गर्ने हो।’
प्रदेश १ का सबै जिल्लामा लोकल रक्सी स्थानीय आदिवासि जनजाती समुदायले उत्पादन गर्ने गरेको बताउँदै मन्त्री राईले भनिन्, ‘गाउँमा उत्पादन गरेको रक्सी सानु मात्रामा बेच्दा समेत हामी प्रहरीलाई ड्रम र बोतलमा लात्ती हान्न पठाउँछौँ, यसो गर्दा समृद्धि सम्भव छैन, अब लोकल उत्पादनलाई ब्राण्ड बनाउन प्रदेश १ ले सुरु गर्छ।’
Copyright © 2019 / 2026 - Junkirikhabar.com All rights reserved
