इटहरीको एक मात्र सामुदायिक क्याम्पस जनता बहुमुखीका विद्यार्थी न्यायको माग राखेर शिक्षा महाशाखा पुगेका छन् ।
लकडाउनको समयको समेत पूर्ण शुल्क लिएको भन्दै इटहरी उपमहानगरपालिका स्थित शिक्षा महाशाखामा निवेदन दिन पुगेका हुन् । अनलाइन तथा भौतिक कुनै पनि कक्षा सञ्चालन नभएको तर क्याम्पसले १२ महिनाकै शुल्क लिने भएपछि आफूहरू अन्यायमा परेको उनीहरू बताउँछन् ।
उपमहानगरपालिकाका प्रमुख तथा शिक्षा समिति संयोजक लाई सम्बोधन गरेको निवेदन सहित उनीहरू आज शिक्षा महाशाखा पुगेका हुन् ।
उता क्याम्पस प्रमुख गीता अधिकारीका अनुसार यस अघि नै २ महिनाको शुल्क मिनाहा गर्ने निर्णय भइसकेको छ । माइन्युटमै निर्णय गरेर शुल्क मिनाहा गर्ने भनिएको उनको भनाई छ । फारम भरेको पैसा फिर्ता गर्ने निर्णय भएको समेत उनले बताइन् ।
यस अघि इटहरीका निजी कलेजका विद्यार्थीले शुल्क मिनाहाको विषयमा १८ दिनसम्म आन्दोलन गरेका थिए । अन्त्यमा २ महिनाको शुल्क मिनाहा गर्ने निर्णय भएपछि आन्दोलन रोकिएको थियो ।
Copyright © 2019 / 2026 - Junkirikhabar.com All rights reserved
