नेपाल खानेपानी संस्थानलाई केही समयअघि धरान खानेपानी व्यवस्थापन बोर्डमा गाभियो । यसो गरेर खानेपानी वितरण चुस्त बनाउने भनिएको थियो । तर त्यसो हुन भने सकेको छैन । वितरण प्रणालीमा देखिएको समस्या पहिचान गर्न नसक्दा धरान उपमहानगरमा पानीको हाहाकार भएको छ ।
उपभोक्ताले बोर्ड र पुरानो संस्थान एकै ठाउँ हुँदा पनि किन खानेपानी आपूर्ति गर्न नसकेको भनेर प्रश्न गर्न थालेपछि बोर्डले समस्याको पहिचान गरेर सहज रूपमा पानी वितरण गर्न अझै ६ महिना लाग्ने बताएको छ ।
एसियाली विकास बैंकको ऋण तथा अनुदानमा सञ्चालित २२ मिलियन अमेरिकी डलरको आयोजना अन्तिम रूप दिनुपूर्व ‘टेस्टिङ एन्ड कमिसनिङ रिपोर्ट’ पर्खिनुपर्ने बोर्डले जनाएको छ । खानेपानी आयोजनाका परामर्शदाता बिल्डिङ डिजाइन अथोरिटी (बीडीए) कम्पनीका निर्देशक अनिल नेपालले आयोजनाका पाँच
ट्यांकीमध्ये धरान ११ स्थित सुम्निमा सब–सिस्टमको ट्यांकीको परीक्षण गर्न १५ लाख लिटर पानी आवश्यकता पर्ने बताए । उनले पर्याप्त पानी भएको बेलामा परीक्षण गर्नुपर्ने भएकाले अझै ६ महिना पर्खिनुपर्ने बताए ।
Copyright © 2019 / 2026 - Junkirikhabar.com All rights reserved
