नेपाल पत्रकार महासंघ सुनसरीको हालै सम्पन्न निर्वाचनबाट निर्वाचित नयाँ कार्य समितिले एक कार्यक्रमका विच पदस्थापन गराएको छ ।
प्रदेस नम्बर १ का सभामुख प्रदिप कुमार भण्डारीको प्रमुख आतिथ्यतामा नयाँ कार्य समिति लाई शपथ ग्रहण गरेको हो । गत २५ गते सम्पन्न भएको निर्वाचनमा नेपाल प्रेस युनियन नेतृत्वको विभिन्न १२ संगठन सहभागी चुनावी मोर्चामा सहभागी संयुक्त प्यानलका तर्फबाट प्रेस सेन्टर नेपालका जनकऋषि राईको नेतृत्वमा नयाँ कार्यसमिति निर्वाचित भएको थियो । नव निर्वाचित अध्यक्ष राई लगायत कार्यसमितिलाई निर्वाचन समितिका संयोजक कृष्ण अधिकारीले शपथ खुवाएका थिए ।
महासंघका निर्वतमान अध्यक्ष अमर खड्काको अध्यक्षतामा भएको शपथ ग्रहण कार्यक्रममा महासंघ सुनसरीमा आवद्ध रहेर महासंघको केन्द्र तथा प्रदेस समितिमा निर्वाचितहरुलाई सो कार्यक्रममा सम्मान गरिएको थियो । पत्रकार महासंघ सुनसरीमा आवद्ध अमर खड्का , इकवाल अहमद र भिषण राई महासंघको केन्द्रय समितिमा निर्वाचित हुन सफल भएका थिए ।
कार्यक्रममा नेपाल पत्रकार महासंघ सुनसरीका पुर्व अध्यक्षहरु , पत्रकार आवद्ध विभिन्न संघसंगठनका नेताहरुको सहभागिता रहेको थियो ।
Copyright © 2019 / 2026 - Junkirikhabar.com All rights reserved
