सुनसरीको रामधुनी नगरपालीकामा सम्पन्न दोस्रो राष्ट्रपति रनिड सिल प्रतियोगीतामा अनियमीतता भएको भन्दै बिद्यार्थीले रामधुनी नगरपालिका घेराउ गरेका छन् ।
नगरले आयोजना गरेको उक्त खेलको उचित ब्यबस्थापन गर्न नसकेको भन्दै केही बिद्यालयका बिद्याथीले नगरपालिकाको शिक्षा शाखा घेराउ गरेका हुन् । आफुले धेरै मेहनत गरेको र मेहनत गरेजती खेल्न नपाएको खेलाडीहरुले गुनासो गरेका छन् ।
सामान्य चोट लाग्दा पनि खेल सन्चालननै बन्द भएको र खेलाडीहरुको गुनासो नसुनेको कारण नगरपालिका घेराउ गर्न बाध्य भएको पिडित बिद्यार्थीहरुले आरोप लगाएका छन । हातमा चोट लागेर पनि सेमीफाइनलमा पुगेको र अर्को खेलाडी बेहोस भएको भन्दै खेल नै रद्द गरेकाले आफुले गरेको मेहनत खेर गएको साथै पुरस्कार पनि उचित नभएको खेलाडीहरुको गुनासो छ ।
यता नगरले आयोजना गरेको खेल प्रतियोगितामा एक लाखको बजेट भएपनि बिभिन्न कारणले खेल सञ्चालन गर्न मुस्किल हुनुको साथै बजेट अपुग भएपछि यस्तो समस्या आएको हुन सक्ने नगरपालिकाका शिक्षा शाखा प्रमुख राजन गेलालले बताउनूभयो । वहाँले बिद्यार्थी खेलाडीहरुको समस्या सुनेर समाधान निकाल्ने जानकारी दिनुभयो ।
Copyright © 2019 / 2026 - Junkirikhabar.com All rights reserved
