धरानका ५ जना सहित आज प्रदेश १ मा १६ महिला २३ पुरुष गरी ३९ जना नयाँ कोरोना सङ्क्रमित थपिएका छन् ।
सामाजिक विकास मन्त्रालयका अनुसार आज थपिएकामा मोरङको विराटनगर महानगरपालिकामा ७ महिला, ९ पुरुष गरी १६ जना, रतुवामाई नगरपालिकामा १ जना महिला, पथरीशनिश्चरे नगरपालिकामा १ जना पुरुष गरी मोरङमा १८ जना कोरोना सङ्क्रमित थपिएका छन् ।
सुनसरीको धरान उपमहानगरपालिकामा २ महिला, ३ पुरुष गरी ५ जना, इटहरी उपमहानगरपालिकामा २ पुरुष, २ महिला गरी ४ जना र रामधुनी नगरपालिकामा २ पुरुष गरी सुनसरीमा ११ जनामा कोरोना सङ्क्रमण पुष्टि भएको छ ।
झापाको भद्रपुर नगरपालिकामा २ पुरुष, बिर्तामोड नगरपालिकामा ३ महिला १ पुरुष गरी ४ जना, गौरादह नगरपालिकामा १ पुरुष र अर्जुनधारा नगरपालिकामा १ महिला गरी ८ जनामा कोरोना सङ्क्रमण पुष्टि भएको छ ।
इलामको सूर्योदय नगरपालिकामा १ पुरुष र प्रदेश १ बाहिरका १ पुरुष गरी आज प्रदेश १ मा ३९ जनामा कोरोना सङ्क्रमण पुष्टि भएको सामाजिक विकास मन्त्रालयले जनाएको छ ।
यो सँगै प्रदेश १ मा कोरोना सङ्क्रमितको कुल सङ्ख्या ३०,६०४ पुगेको छ भने २९,८८७ जना कोरोना मुक्त भएका छन् । मन्त्रालयका अनुसार अहिले प्रदेश १ मा २४५ जना आइसोलेसनमा रहेका छन् भने ४७२ जनाको मृत्यु भएको छ ।
Copyright © 2019 / 2026 - Junkirikhabar.com All rights reserved
