१ नम्बर प्रदेश ट्राफिक प्रहरी कार्यालय इटहरीले मंगलबार मास्क खै अभियान चलाएको छ । विश्वभर महामारीको रुपमा फैलिएको कोरोनाको दोस्रो लहर रोक्न भन्दै मास्क खै अभियन चलाइएको हो । ठूला–साना तथा सरकारी र निजी सवारी साधनहरुमा मास्क लगाए नलगाएको चेक गर्ने र नलगाएको पाए आफैले मास्क वितरण गरेर अनिर्वाय मास्क लगाउन सजग गराइएको १ नम्बर प्रदेश ट्राफिक प्रहरी कार्यालय इटहरीका प्रमुख प्रहरी उपरीक्षक सञ्जीव शर्माले जानकारी दिनुभयो । मंगलबार विहान प्रहरीले आफ्नै कार्यालयअगाडि अभियानको शुभारम्भ गरेको हो ।
कार्यक्रममा प्रहरी उपरीक्षक शर्मा स्वयम् सहभागि थिए । उनले मास्क नलगाउने चालक तथा यात्रुलाई मास्क दिँदै अनिवार्य मास्क लगाउन अनुरोध गरेका थिए । प्रदेशका सबै ठाउँमा यो अभियान सञ्चालन गरिएको शर्माले जानकारी दिनुभयो ।
अभियान प्रदेश १ का १४ जिल्लाका ९४ वटा युनिटमा सञ्चालन गरिएको जनाइएको छ । प्रहरीको अभियानका क्रममा दुई पांग्रे सवारी साधनका चालकले मास्क नलगाएको पाइएको छ । । तर, प्रहरीले भने अनिवार्य मास्क लगाउन अनुरोध गरेका थिए ।
Copyright © 2019 / 2026 - Junkirikhabar.com All rights reserved
