स्थानीय सरकारले निर्माण गरेका आइसोलेसनहरुमा मन्त्रीपरिषद्को निर्णयअनुसार नेपाली सेनाले सुरक्षा प्रदान गर्ने भएको छ । समन्वयको व्यवस्था भने नेपाल प्रहरीले गर्ने निर्णय भएको छ ।
बुधबार जिल्ला कोभिड–१९ विपद् व्यवस्थापन सेन्टर (डीसीसीएमसी) को बैठकले संक्रमण भई होम आइसोलेसनमा बसेका वा अस्पतालमा रहेका संक्रमितको कन्ट्रयाक्ट ट्रेसिङलाई नियमित गर्ने र त्यसको व्यवस्थापन स्थानीय तहले गर्ने निर्णय गरिएको छ ।
डीसीसीएमसी सुनसरीको बैठकले रामधुनी नगरपालिकालाई आइसोलेसन सेन्टर सञ्चालन गर्नका लागि कृषि तालिम केन्द्र झुम्काको भवन उपलब्ध गराइदिन अनुरोध गर्ने र जिल्लाबाहिर काठमाडौं लगायत अन्य जिल्ला वा लुकिछिपी भारतबाट आएका व्यक्तिलाई स्थानीय स्तरमा निगरानी राखी क्वारेन्टिनमा राख्ने व्यवस्थाका लागि सबै स्थानीय तहलाई अनुरोध गर्ने निर्णय गरिएको छ ।
Copyright © 2019 / 2026 - Junkirikhabar.com All rights reserved
