लागूऔषधसहित इटहरीका दुई युवक पक्राउ परेका छन् । को २५ प २५५५ नम्बरको स्कुटरमा सवार इटहरीका दुईजनालाई चेकजाँच गर्ने क्रममा दुई युवकलाई प्रहरीले पक्राउ गरेको हो ।
पक्राउ पर्नेमा इटहरी ४ का २४ वर्षीय असीम बस्नेत र स्कुटरमा पछाडि सवार इटहरी ५ का ३२ वर्षीय कुमार विश्वकर्मा रहेका छन् । उनीहरुलाई मोरङको विराटनगर महानगरपालिका १६ बाट ट्याब्लेटसहित बिहीबार राति प्रहरीले पक्राउ गरेको हो ।
प्रदेश १ प्रहरी कार्यालय विराटनगरका अनुसार भारतीय क्षेत्रबाट नेपालतर्फ आउँदै गरेको स्कुटरलाई चेकजाँच गर्दा डाईजेल्याब ३० एम्पुल, लुपिजेसिक ३० एम्पुल, फेरागन ३० एम्पुल, डाईलेक्स डिसी १ बोतल, नाईट्रोजन ट्याब्लेट १० चक्की र सामसुङ कम्पनिको २ थान मोवायल बरामद गरेको प्रहरीले जनाएको छ ।
लागूऔषधसहित पक्राउ परेका दुवैजनाको सम्बन्धमा थप अनुसन्धान भइरहेको इलाका प्रहरी कार्यालय रानीले जनाएको छ ।
Copyright © 2019 / 2026 - Junkirikhabar.com All rights reserved
