बालविवाहको आरोपमा सुनसरी प्रहरीले दुईजनालाई पक्राउ गरेको छ ।
जिल्ला प्रहरी कार्यालय सुनसरीका अनुसार वैशाख २७ गते (गएराति सोमबार) ९ बजेको समयमा जिल्लाको देवानगंज गाउँपालिका ५ पाल टोलमा बालविवाह हुँदैछ भन्ने सूचनाको आधारमा दुईजनालाई पक्राउ गरी सार्वजनिक गरेको हो । फूलचन पालको घरमा सुनसरीको हरिनगर गाउँपालिका ४ बस्ने खोखाई पालको छोरा वर्ष २६ को मिथिलेश पाल र देवानगंग गाउँपालिका १ बस्ने रमानन्द पालको छोरी १८ वर्ष ८ महिनाकी कल्पना कुमारी पालसंग विवाह हुँदैछ भन्ने सूचनाको आधारमा प्रहरीले पक्राउ गरेको हो ।
पक्राउ पर्नेमा बालविवाह गर्ने बेहुला मिथिलेश पाल र बालविवाह गराउने निजको नातामा पर्ने सानोवुबा देवानगंज गाउँपालिका ५ बस्ने फूलचन पाललाई विवाह मण्डपबाटै पक्राउ गरिएको हो ।
पक्राउ परेका उनीहरुलाई मुलुकी अपराध संहिता २०७४ को परिच्छेद ११ विवाह सम्बन्धी कसुरको दफा १७३ अन्तरगत बालविवाहमा सुनसरी जिल्ला अदालतबाट मुद्धा दर्ता गराई आवश्यक अनुसन्धान भइरहेको प्रहरीले जनाएको छ ।
Copyright © 2019 / 2026 - Junkirikhabar.com All rights reserved
