प्रदेश १ मा हालसम्म कोरोना संक्रमणबाट ७३५ जनाको मृत्यु भएको छ ।
प्रदेश १ सामाजिक विकास मन्त्रालयका अनुसार प्रदेश १ मा हालसम्म कोरोना संक्रमणबाट ज्यान गुमाउनेको संख्या ७३५ पुगेको छ ।
पछिल्लो २४ घण्टामा कोरोना संक्रमणबाट सातजनाको मृत्यु भएको छ । प्रदेश १ मा २ महिला र ५ पुरुष गरी ७ जनाको मृत्यु भएको हो । पछिल्ला केहिदिन यता आजको मृत्युको संख्यामा घटेको छ ।
प्रदेश १ सामाजिक विकास मन्त्रालयको तथ्यांक झापाका १ जना, मोरङका १, सुनसरीका ३ र अन्य जिल्लाका २ जनाको आज मृत्यु भएको छ । प्रदेश १ मा कोरोना संक्रमणका कारण ज्यान जानेको संख्या २१४ जना महिला र ५२१ पुरुष गरी ७३५ जना पुगेको छ ।
प्रदेश १ मा कोरोना संक्रमितको संख्या भने ४९ हजार ५८० पुगेको छ । संक्रमित भएका मध्ये ३२ हजार ९ जना संक्रमणमुक्त भएका छन् । सक्रिय संक्रमितको संख्या १६ हजार ८३६ पुगेको सामाजिक विकास मन्त्रालयले जनाएको छ ।
Copyright © 2019 / 2026 - Junkirikhabar.com All rights reserved
