जिल्ला प्रशासन कार्यालय सुनसरीले एक साताको लागि निषेधाज्ञा थपेको छ । आज बसेको डिसिसिएमसि बैठकले जेठ २२ गतेसम्मको लागि निषेधाज्ञा थप गर्ने निर्णय भएको सहायक प्रमुख जिल्ला अधिकारी महेश पोखरेलले जानकारी दिए । उनका अनुसार एक साता अवधि थप गर्नेबोहक विगतमा भएको निर्णय खुकुलो बनाउने कुनै परिवर्तन गरिएको छैन ।
'निषेधाज्ञा २२ गतेसम्म थपिएको छ, अरु कुनै त्यस्तो निर्णय भएको वा परिवर्तन गरिएको छैन । बजार, पसल, हिडडुल सबै प्रतिबन्ध नै हो, 'उनले भने । यसअघि जेठ १५ गते राती १२ बजेसम्मको लागि निषेधाज्ञा थपिएको थियो ।
उक्त समय भोली सकिने र कोरोना संक्रमणको वृद्धिदर पनि कम नभएपछि निषेधाज्ञाको समय थप गर्ने निर्णय भएको हो । उक्त बैठकले सरकारले ल्याएको नयाँ अध्यादेश अनुसार निषेधाज्ञा उल्लंघन गर्नेलाई कारबाही गर्ने निर्णय गरेको पनि सहायक प्रजिअ पोखरेलले जानकारी दिए । सरकारले ल्याएको कोभिड संकट व्यवस्थापन अध्यादेश २०७८ मा भएको व्यवस्था नमान्नेलाई १ लाख देखि १ बर्षसम्म जरिवानाको व्यवस्था छ भने मोटरसाइलको हकमा २ हजार, अरु सवारीलाई ५ हजार जरिवाना गर्ने व्यवस्था भएको सहायक प्रजिअ पोखरेलले बताए ।
Copyright © 2019 / 2026 - Junkirikhabar.com All rights reserved
