प्रदेश १ सरकारले संघीय सरकारसँग कोरोना खोप खरिदको अनुमति माग गरेको छ। प्रदेश १ कि सामाजिक विकासमन्त्री उषाकला राईले समयमा खोप उपलब्ध नगराए खरिदको अनुमति दिनुपर्ने बताएकी हुन्।
मन्त्री राईले कोरोना संक्रमण नियन्त्रण गर्न खोप नै महत्वपूर्ण रहेकाले संघीय सरकारलाई चाँडोभन्दा चाँडो प्रवन्ध गर्न आग्रह गरेको सुनाइन्। विज्ञहरूले कोरोनाको तेस्रो लहर सुरु हुने बताइरहेकाले तयारी गर्न आवश्यक देखिएकाले खोपमा जोड दिएको राईको भनाइ छ।
उनका अनुसार दुर्गम–दुर्गम स्थानमा कोरोना फैलिदै गएकाले यसको नियन्त्रणमा प्रदेश सरकार लागेको छ। सरकारी अस्पतालमा जनशक्ति अभाव देखिएकाले त्यसको परिपूर्तिमा पनि स्वास्थ्य मन्त्रालयको ध्यान जान आवश्यक रहेको उनको भनाइ छ।
Copyright © 2019 / 2026 - Junkirikhabar.com All rights reserved
