प्रदेश १ सरकारले आर्थिक वर्ष २०७८/०७९ का लागि ल्याएको नीति तथा कार्यक्रम प्रदेशसभामा आइतबार बहुमतले पारित भएको छ । मुख्यमन्त्री राईले नीति तथा कार्यक्रम पारित गर्नका लागि गरेको प्रस्ताव प्रदेशसभामा उपस्थित बहुमत प्रदेशसभा सदस्यहरुको ध्वनि मतले पारित भएको हो ।
छलफलका क्रममा प्रदेशसभा सदस्यहरुले उठाएका प्रश्नको जवाफमा मुख्यमन्त्री राईले नीति तथा कार्यक्रम प्रदेशको समृद्धिका लागि औचित्यपूर्ण रहेकोले शंका नगर्न आग्रह गरेका थिए ।
‘नीति तथा कार्यक्रममा आएका विषय सबै कार्यान्वयन हुन्छ । त्यसमा शंका नगर्न आग्रह छ,’ उनले भने, ‘नीति तथा कार्यक्रममा उल्लेख भएका सबै क्षेत्रका लागि आवश्यक बजेट विनियोजन हुन्छ त्यसैले सर्वसम्मतले पास गर्न आग्रह छ ।’
नीति तथा कार्यक्रममा प्रमुख प्रतिपक्षी दल कांग्रेस, विपक्षी दल माओवादी केन्द्र र जनता समाजवादी पार्टी (जसपा)ले अविश्वासको प्रस्ताव पेस गरेका थिए ।
Copyright © 2019 / 2026 - Junkirikhabar.com All rights reserved
