उदयपुर– असार अन्तिम साताको अविरल वर्षापछि गएको पहिरोले सातादिनसम्म अवरुद्ध भए पनि मर्मतपछि सुचारु भएको गाईघाट–दिक्तेल सगरमाथा लोकमार्ग फेरि अवरुद्ध हुन पुगेको छ।
असार २६ देखि साउन ३ गतेसम्म लगातार परेको अविरल वर्षाले आधादर्जन बढी ठाउँमा गएको पहिरोले यातायात आवागमन रोकिएको सडक मर्मतसम्भारपछि सुचारु भएको थियो। दुई दिनअघिको भारी वर्षाले पुनः पहिरो गएर अवरुद्ध हुन पुगेको हो।
गाईघाट–दिक्तेल सडक कार्यालय उदयपुरका अनुसार पहिलेको वर्षाले गाईघाट–फोक्सिन्टारबीचको अँधेरी, जल्केनी र छामलिङमा पहिरो गएर आवागमन रोकिएको थियो। सो ठाउँमा रातारात मर्मत गरेर यातायात सुचारु गरिएकोमा दुई दिनअघिको वर्षाले जल्केनीको पहिरो थप गहिरो र लामो भएर भत्केपछि सडक बन्द हुन पुगेको कार्यालय प्रमुख पशुपति ज्ञवालीले बताए।
Copyright © 2019 / 2026 - Junkirikhabar.com All rights reserved
