सप्तकोसी नदीमा पानीको बहाब यो वर्ष कै उच्च मापन भएको छ । कोसी व्यारेज कन्ट्रोल रुमका अनुसार शुक्रबार बेलुका यो वर्ष कै उच्च बहाब मापन भएको हो ।
शुक्रबार बेलुका पानीको बहाव एक लाख ५४ हजार ३ सय २४ क्यूसेक मापन भएको हाे । पानीको बहाव उच्च भएपछि ५६ मध्ये २४ ढोका खोलिएकाे कन्ट्राेल रूमले जनाएकाे छ ।
उच्च हिमाली र पहाडी क्षेत्रमा वर्षा भएर सहायक नदीमा समेत बाढी आउँदा सप्तकोसीमा बहाव बढेको हो । पहाडी क्षेत्रमा निरन्तर वर्षा हुँदा बिहीबार बिहान पानीको बहाव एक लाख १९ हजार क्यूसेक मापन गरिएको थियो । त्यतिबेला कोसी ब्यारेजका २१ वटा ढोका खुला गरियो । तर बिहीबार बेलुका बहाव घटेर एक लाख १८ हजार क्यूसेकमा झर्दा २० वटा मात्रै ढोका खुला गरिएको थियो ।
शुक्रबार बिहान पानीकाे बहाव एक लाख १४ हजार क्यूसेकमा मापन भएको थियो । त्यस बेला कोसी ब्यारेजका १४ वटा मात्रै ढोका खुला गरिएको थियो । पानीको बहाव बढेपछि बेलुका २४ वटा ढोका खोलिएको हो ।
Copyright © 2019 / 2026 - Junkirikhabar.com All rights reserved
