इटहरीमा आधुनिक कृषि बजार बन्ने भएको छ । इटहरीमा जथाभावी अव्यवस्थित हाट बजार भएको भन्दै इटहरी स्थित बुधबारे हटियामा कोलिस्टोर सहितको अत्याधुनिक कृषि बजार सञ्चालन ल्याईने भएको हो ।
प्रयोगमै नआएको पशु बधशाला भएको क्षेत्रलाई स्तरउन्नती गर्दै कोलिस्टोर सहितको आधुनिक कृषि बजार सञ्चालनमा ल्याउने इटहरी उपमहानगरले तयारी गरेको छ । इटहरी उपमहानगर,प्रदेश सरकार र संघिय सरकारको गरि करिब १० करोडको लगानीमा अत्याधुनिक कृषि बजार सञ्चालनमा ल्याउने इटहरीकी उपमेयर लक्ष्मी गौतमले बताईन ।
कृषि बजारलाई व्यवस्थित गर्न आधुनिक कृषि बजार निर्माणको काम गरिने उपमेयर गौतमको भनाई थियो । कोलिस्टोर सहितको आधुनिक कृषि बजारको लागि १० करोडको लागि डिपिआर बनाएर प्रदेश सरकार र संघिय सरकारलाई दिएको र बजेट समेत छुट्याईएको उनको भनाई थियो । ठेक्का लाग्न मात्र बाँकी छ उपमेयर गौतमले भनिन् ।
इटहरी उपमहानगरपालिकाले दुई करोड १२ लाख ,संघिय सरकारको दुई करोड १२ र प्रदेश सरकारले १ करोड यही बर्ष छ्ट्याएको उपमेयर गौतमले बताईन । आधुनिक कृषि बजारमा होलसेलका ठुला ठुला गोदामहरु समेत रहने छन गौतमले भनिन् । सोही ठाउँमा बशशालालाई पनि व्यवस्थित तरिकाले बध गर्ने गरि संरचना निमार्ण हुने उनको भनाई थियो ।
Copyright © 2019 / 2026 - Junkirikhabar.com All rights reserved
