महिला पुनर्स्थापना केन्द्र ओरेक सुनसरीले अति विपन्न तथा गर्भवती महिलाहरूलाई राहत वितरण गरेको छ ।
कोरोना सङ्क्रमण फैलिन नदिन सरकारले गरेको लकडाउनका कारण धेरै महिलाहरू रोजगारबाट वञ्चित हुनु परेको अवस्थालाई मध्यनजर गरी ओरेकले सुनसरीको १०० जना महिलाहरूलाई खाद्यान्न तथा गर्भवती महिलालाई पौष्टिक आहार स्वरूप राहत प्रदान गरिएको हो ।
वराहक्षेत्र नगरपालिकामा ५० र कोसी गाउँपालिकामा ५० गरी १०० जनालाई राहत सामाग्री प्रदान गरिएको ओरेक सुनसरी प्रतिनिधि शान्ति दनुवारले जानकारी दिनुभयो ।
राहतमा चामल, दाल, तेल, नुन, साबुन, अण्डा, सरफ तथा पौष्टिक आहार उपलब्ध गराइएको थियो । महिलाहरूको सवालमा सक्रिय काम गदै आएको ओरेकले अझै पनि विपन्न तथा गर्भवती महिलाहरूलाई राहत सामाग्री वितरण गर्ने योजना रहेको दनुवारको भनाई छ ।
Copyright © 2019 / 2026 - Junkirikhabar.com All rights reserved
