मेयरले खोप कटौती गरेको भन्दै रुष्ट बनेका इटहरीका व्यापारीले इनरुवा पुगेर खोप लगाएका छन् । उप–महानगरपालिकाले समन्वय नगरेको भन्दै उद्योग वाणिञ्य संघ इटहरीमा आवद्ध व्यापारीहरुले इनरुवा पुगेर खोप लगाएका हुन् जोन्सन एण्ड जोन्सन खोप लगाउन इनरुवा पुगेका व्यापारीहरुले नगर प्रमुख द्वारिकलाल चौधरीको रवैयाले आफुहरुले सास्ती झेल्नु परेको बताएका छन् ।
उनीहरुले स्थानीय तहको समन्वयमा जिल्लाका अन्य पालिकामा खोप लगाउने कार्य भैरहेपनि इटहरी उपमहानगरपालिकामा भने आफुहरु विभेद परेको बताएका छन् । व्यापारीहरुलाई लिएर खोप लगाउन इनरुवा अस्पताल पुगेको उद्योग वाणिज्य संघ इटहरीको टोलीले मेयर चौधरीकै कारण आफुहरुले सास्ती झेल्नु परेको बताएको छ । आफुहरुको कोटामा परेको खोप समेत मेयरले कटौती गरिदिएको उद्योग वाणिज्य संघ इटहरीका वरिष्ट उपाध्यक्ष दिवश पोखरेलले बताए ।
पोखरेलले स्वास्थ्य कार्यालय र सुनसरी प्रशासन सँगको समन्वयमा इनरुवा अस्पतालमा खोप लगाउने व्यवस्था मिलाइको बताए । उनले इटहरीमा फ्रन्टलाइनर मात्रै १९ हजार बढी ब्यापारी रहेकोले उपलब्धताका आधारमा क्रमशः सबैलाई खोप लगाइने बताए ।
Copyright © 2019 / 2026 - Junkirikhabar.com All rights reserved
