झापामा लामो समयदेखि गोरु तस्करी हुँदै आएको छ । विभिन्न समयमा प्रहरीले गोरुसहित मानिस समाते पनि त्यो प्रभावकारी हुन सकेको छैन ।
झापामा नयाँ–नयाँ प्रहरी प्रमुख आए लगत्तै शान्ति सुरक्षा मजबुद बनाउने प्रतिबद्धतासँगै सबै प्रकारका चोरी–तस्करी नियन्त्रण गर्ने कुरा सुनिन्छ । सँगै केही दिन तस्करले आफ्नो क्रियाकलाप न्यून पनि पार्छन् । तर, समय क्रमसँगै उनीहरुको सक्रियता बढ्ने गरेको छ । यो आँखो देखा कुरा हो । यो सत्य हो– ‘कस्मेटिक’ कुरा होइन ।
एकाएक चुपचाप भएको तस्करले कसरी आफ्नो क्रियाकलाप तीव्र बनाउन शक्ति आर्जन गर्छ । त्यो सबैको चासोको विषय हो । प्रहरी, प्रशासन, राजनीति दल एवम् सरोकारवाला निकायसँग हिमचिम बढाएर तस्करले आफ्नो ‘फन’ उठाउने जानकारहरु बताउँछन् ।
झापाका दक्षिणी नाका गाई गोरू तस्करीको सहज मार्ग बन्ने गरेको छ । प्रहरी प्रशासनकै मिलिभगतमा तस्करहरूले दक्षिणी नाका गाई गोरू तस्करीका लागि उपयोग गरिरहेका हुन् ।
नेपालबाट अबैध रूपमा भारततिर गाई गोरू लैजान सिमामा खटिएका प्रहरीदेखि जिल्लाको नियामक नेतृत्वसम्म नजराना बुझाएर भारतिर दिउँसै लैजाने प्रबृत्ति निरन्तर छ । तर कहीले काँही नजराना लेन देनमा मिलिभगत हुन नसक्दा प्रहरीले गाई गोरू पक्रेर प्रचार समेत गर्ने गरेको छ ।
पछिल्लो पटक भद्रपुर नाकाबाट गरेको २२ वटा गोरू प्रहरीले नियन्त्रणमा लिएको छ । वडा प्रहरी कार्यालय भद्रपुरबाट खटिएको भनिएको प्रहरी टोलीले भद्रपुर नगरपालिका ३ स्थित दश गज्जा क्षेत्रबाट २२ वटा गोरू नियन्त्रणमा लिएको हो । नियन्त्रणमा लिइएको गोरूलाई एक लाख २० हजार मूल्यांकन तोकर भद्रपुर भन्सार बुझाइएको जनाएइको छ ।
Copyright © 2019 / 2026 - Junkirikhabar.com All rights reserved
