प्रदेश १ मा पछिल्लो २४ घण्टामा ४१९ जनामा कोरोना सङ्क्रमण भएको छ ।
१ हजार ११० जनाको पीसीआर परीक्षण गर्दा २०० र ९०३ जनाको एन्टिजेन परीक्षण गर्दा २१९ जनाको रिपोर्ट पोजेटिभ आएको सामाजिक विकास मन्त्रालयले जनाएको छ ।
मन्त्रालयका अनुसार पीसीआर परीक्षणका आधारमा मोरङमा ९०, झापामा ५५, सुनसरीमा २२, इलाममा १५, धनकुटामा ६, ताप्लेजुङमा २, भोजपुर र उदयपुरमा १-१ र प्रदेश १ बाहिरका ८ जनामा सङ्क्रमण देखिएको हो ।
मोरङको विराटनगरमा ६६, बेलबारीमा ८, उर्लाबारीमा ६, कानेपोखरीमा ३, सुन्दरहरैचा र कटहरीमा २-२, लेटाङ, सुनबर्षी र स्थानीय तह नखुलेका १-१, झापाको दमकमा २२, शिवसताक्षीमा १०, अर्जुनधारामा ७, बुद्धशान्ति, गौरादह, भद्रपुर र कनकाईमा ३-३, बिर्तामोडमा २, झापा गाउँपालिका र कमल गाउँपालिकामा १-१, सुनसरीको इटहरीमा १६, धरानमा ३, वराहक्षेत्रमा २, दुहबीमा १, इलामको रोङमा ७, चुलाचुलीमा ४, माई, फाकफोकथुम, सूर्योदय र इलाम नगरपालिकामा १-१, धनकुटाको धनकुटा नगरपालिकामा ४ र चौबिसेमा २, ताप्लेजुङको सिदिङ्वामा २, भोजपुरको भोजपुर नगरपालिका र उदयपुरको त्रियुगामा १-१ र प्रदेश १ बाहिरका ८ जनामा सङ्क्रमण देखिएको मन्त्रालयले जनाएको छ ।
प्रदेश १ मा आज ४७० जना कोरोना सङ्क्रमणमुक्त भएका छन् । सङ्क्रमणमुक्त हुनेमा २२९ महिला र २४१ पुरुष रहेका छन् ।
पछिल्लो २४ घण्टामा कोरोना सङ्क्रमणबाट ७ जनाको मृत्यु भएको छ । मृत्यु हुनेमा २ महिला र ५ पुरुष रहेको सामाजिक विकास मन्त्रालयले जनाएको छ ।
Copyright © 2019 / 2026 - Junkirikhabar.com All rights reserved
