कोशी राजमार्ग अन्तर्गत इटहरी उपमहानगर क्षेत्रका सिसि क्यामेरा राख्ने विषयमा तयारी पारीएको प्रतिवेदन शुक्रबार उपमहानगरका मेयर द्वारिकलाल चौधरीले बुझाइएको छ ।
नेपाल रेडक्रस सोसाइट उपशाखा इटहरीका अध्यक्ष विमल पौडेल, नागरिक समाज इटहरीका अध्यक्ष सन्त बहादुर डुम्जन, उपमहानगरका वडा नम्बर ६ का वडाध्यक्ष दिपक गौतम, वडा नम्बर ९ का वडाध्यक्ष भुपेन्द्र बरालसहितको उपस्थितिमा इलाका प्रहरी कार्यालय इटहरीका प्रमुख प्रहरी नायव उपरिक्षक अर्जुन केसीले मेयर चौधरीलाई सो प्रतिवेदन बुझाउनुभएको हो ।
यसअघि प्रदेश सरकार, उद्योग वाणिज्य संघ र अन्यबाट इटहरीमा उपमहानगर क्षेत्रमा जडानगरिएको सिसि क्यामेर बिग्रीएकाले नयाँ जडानका लागि उपमहानगरसँग अनुरोध गरिएको डिएसपी केसीले जानकारी दिनुभयो । झण्डै दुई दर्जनको हाराहारीमा रहेका क्यामेरामा हाल दुई वटा बाहेक सबैले काम गर्न छोडेकाले शान्ति सुरक्षामा समेत प्रभाव परेको उहाँको भनाइ । प्रतिवेदन बुझ्दै मेयर चौधरीले यथासिग्र सिसि क्यामेरा जडानको कामलाई अघि बढाउने प्रतिवद्धता व्यक्त गर्नुभयो । उहाँले नगरको यो वर्षको वार्षीक बजेटमा सो विषय नसमेटीएकाले आगामी मंसिरमा पुरक बजेट ल्याएर वा अन्य कुनैै शिर्षकबाट भए पनि क्यामेरा जोडेरै छोड्ने बताउनुभयो ।
Copyright © 2019 / 2026 - Junkirikhabar.com All rights reserved
