सुनसरीमा नेपाली काँग्रेसको १४ औं अधिवेशन अन्तरगत वडा अधिबेशन सकिए सँगै नगर अधिबेशनको रौनक सुरु भएको छ । अगामी असोज ९ गते काँग्रेसले पालिका अधिबेशन गर्दै छ ।
नेतृत्वमा नेपालकै उर्बर र बलियो संगठन मानिएको सुनसरी काँग्रेसमा पनि नेतृृत्वको विषयलाई लिएर रस्साकस्सी शुरु भएको छ । यसै सन्दर्भमा सुनसरीको महत्वपुर्ण पालिकाको रुपमा रहेको इटहरी उपमहानगरपालिकाको भावी नेतृत्वका लागि समेत दौडधुप शुरु भएको छ ।
आसन्न महाधिवेशनमा नेपाली कांग्रेसको इटहरी नगर सभापतिमा युवा नेता विकास केसी उठ्ने भएका छन । नेपाली विद्यार्थी संघबाट नेपाली कांग्रेसको राजनितिमा प्रवेश गरेका विकास केसी इटहरीमा सभापति शेरबहादुर देउवाको समुहबाट नगर सभापतिको एकल उम्मेद्वार हुन ।
नेपाली कांग्रेसको १३ औं महाधिवेशनमा आफ्नो समुहबाट नगर सभापतिको उम्मेदवार बनी वर्तमान सभापति हेमकर्ण पौडेल सँग पराजित भएका केसीले त्यसपछि नेविसंघको केन्द्रीय अधिवेशनमा केन्द्रीय उपाध्यक्ष पदमा जित हाँसिल गर्दै प्रदेश नम्बर १ को संयोजकको समेत जिम्मेवारी सम्हालिसकेका छछन । नेपाली काँग्रेसका हरेक गतिविधिमा सहभागी केसी आफ्नो समुहका नेता तथा कार्यकर्ता व्यवस्थापनमा माहिर नेताको रुपमा परिचित छन ।
गत अधिवेशनमा समुहका लागि लडेका केसी यो अधिवेशनमा आफ्नो राजनितिक भविष्यलाई नयाँ उचाईमा पु¥याउन पनि सभापति निर्वाचित हुनै पर्ने दबाबमा छन । ।आसन्न अधिवेशनकै तयारीमा रहेका केसी इटहरीका प्राय सबै वडामा पुगी नेता तथा कार्यकर्ताहरु आफ्नो पक्षमा पार्ने प्रयासमा अहोरात्र लागिपरेका छन ।
Copyright © 2019 / 2026 - Junkirikhabar.com All rights reserved
