वराहक्षेत्रका स्थानीय गोपाल कटुवालको मृतक सन्तानले पाउनु पर्ने बिमा बापतको रकम निकाल्न वडा कार्यालयले दिएको कागजात प्रकरणमा लागेको आरोप निराधार भएको वराहक्षेत्र नगरपालिका ८ नं. वडाले बताएको छ ।
आइतबार कटुवाल परिवारले वराहक्षेत्र नगरपालिकामा पत्रकार सम्मेलनको आयोजना गरी वडा कार्यालयले बिमा निकाल्नलाई आवश्यक पर्ने विवरण शङ्कास्पद रूपमा अरूलाई दिएको विषयमा कुनै त्रुटि नभएको वडा कार्यालयले दाबी गरेको छ ।
केही दिन अघि स्थानीय गोपाल कटुवालले पत्रकार सम्मेलन गर्दै २० लाख बराबरको बिमा बापतको रकम निकाल्न आवश्यक पर्ने कागजात पारिवारिक सहमति बिना वडाध्यक्ष र सचिवले दिएको र यसमा आर्थिक चलखेल भएको आरोप लगाउनुभएको थियो । उक्त रकम निकाल्न सम्बन्ध बिच्छेद्धको अवस्थामा रहेको कटुवालको श्रीमतीसँग वडा कार्यालय मिलेका जस्ता आरोप लगाइएका थिए । आफू तथा वडा सचिवमाथि लगाइएको विभिन्न आरोपहरू निराधार भएको वडाध्यक्ष फडिन्द्र भट्टराई ले पत्रकार सम्मेलन गर्दै जानकारी दिएका हुन ।
वडा कार्यालयले बिमा बापतको रकम निकाल्न आवश्यक परिवारको नाता प्रमाणित लगायतको विवरणसहितको कागजात गोपाल कटुवालसँग सक्कली हुँदाहुँदै वडा कार्यालयले भने प्रतिलिपि कागजात उनको श्रीमतीलाई उपलब्ध गराइदिएको थियो । वडा कार्यालयलाई पारिवारि विवाद रहेको हुँदा वडामा रहेको कुनै पनि कागजात नदिन कटुवाल परिवारले वडालाई जानकारी गराएको थियो ।
तर वडा कार्यालयले कुनै स्वर् थमा कागजात श्रीमतीलाई दिएको भनेर यो विवाद सुरु भएको थियो ।
