सुनसरीको रामधुनी नगरपालिलाई राष्ट्रिय बाल दिवस २०७८ को अवसरमा बालमैत्री स्थानीय शासन अर्थात् बालमैत्री नगर घोषणा गरिएको छ ।
बालमैत्री स्थानीय शासन कायम गर्न आवश्यक पर्ने न्यूनतम सूचक पुरा गरेकाले नगरलाई ५७ औँ वालदिवसको आवसरमा बालमैत्री घोषणा गरिएको हो । योसँगै रामधुनी नेपालको १० औँ र प्रदेशको दोश्रो बालमैत्री नगर भएको छ । नगरलाई बालमैत्री घोषणा समारोहमा बोल्दै नगरकी उप–प्रमुख सबिना कुमारी चौधरीले धेरै वर्षको मेहनतले बालमैत्री घोषणा गर्न सफल भएको जानकारी दिनुभयो ।
उहाँले स्थानीय तहको निर्वाचत भएपश्चात आफूहरुको पहिलो बैठकको पहिलो निर्णय नै नगरलाई बालमैत्री बनाउने रहेको बताउनुभयो ।
कोरोना महामारीको चुनौतिकैविचमा नगरलाई बालमैत्री घोषणा गर्दा धेरै चुनौतिको सामना गर्नुपरेको उहाँले बताउनुभयो । बालमैत्री घोषणापछि बालबालीकाका हक अधिकारको सुनिश्तिताका लागि थप काम गर्नुपर्ने भएकाले सबैलाई आग्रह गर्नुभयो । नगरप्रमुख जयप्रकाश चौधरीले नगर बालमैत्री बन्नुले नगरको सुनौलो भविष्य निर्माण कोसेढुङ्गा सावित भएको बताएका छन् ।
गत वर्ष नै बालमैत्री घोषणा गर्ने अठोट लिए पनि कोरोना महामारीका कारण एक वर्षपछि धकेलिएको थियो ।
Copyright © 2019 / 2026 - Junkirikhabar.com All rights reserved
