काठमाडौं । राष्ट्रियसभा सांसदहरुले दैनिक उपभोग्य वस्तुको बजार मूल्य आकाशिएको भन्दै सरकारसँग जवाफ मागेका छन् । आज संसद भवन नयाँबानेश्वरमा बसेको बैठकमा सांसदहरुले सो माग गरेका हुन् । सांसदहरुले फलफुल तथा तरकारी लगायत खाद्यान्न तथा मासुमा अस्वभाविक मुल्य बढेको भन्दै त्यस तर्फ सरकारको ध्यानाकर्षण गराए ।
राधेश्याम अधिकारीले तरकारीको मुल्य अकासिदै गएको भन्दै बजार मुल्यबारे सदनमा छलफल गरिनुपर्ने बताउनुभयो । उहाँले खाद्यान्न लगायत मासुको मुल्य पनि आकाशिदै गएकाले बजार मुल्यको तुलनात्मक अध्ययन गर्न सरकारलाई आग्रह गर्नुभयो । दिल कुमारी रावलले विभिन्न वहानामा तरकारी तथा खाद्यान्नको मुल्य बढाउने काम भईरहेको भन्दै त्यसतर्फ सरकारको ध्यानाकर्षण गराउनुभयो ।
सांसद रामप्रित पासवानले जातिय आधारमा पेशाप्रति नै अपमान गर्ने काम भएको भन्दै सरकारको ध्यानाकर्षण गराउनुभयो । सांसदहरुले बाढी तथा पहिरो पीडितहरुले राहत नपाएको भन्दै सरकारको आलोचना गरेका थिए ।
Copyright © 2019 / 2026 - Junkirikhabar.com All rights reserved
