कारितास नेपालले इटहरी अस्पताललाई पाँच लाख वयासी हजार बरावरको विभिन्न स्वास्थ्य समाग्री प्रदान गरेको छ ।
इटहरी अस्पतालमा सोमबार एक कार्यक्रमका बिच कारितास नेपाल क्षेत्रीय प्रतिनिधी देवेन्द्र पोखरेलले इटहरी उपमहानगरकी उपप्रमुख लक्ष्मी गौतमलाई ११ प्रकारका स्वास्थ्य समाग्री प्रदान गरेका गर्नुभएको हो ।
कारितासले १० थान सेमि फोल्टिड वेड र म्याटे«स, १० पिस ब्यालाङ्गकेट, २ सय थान एन नाइन्टिन माक्स, सय प्याकेट सर्जिकल माक्स, सय थान पिपिइ सेट, ७८ वोत्तल सेनिटाइजर, २० प्याकेट सर्जिकल ग्लोब्स, १ सय ५० वटा एन्टिजेन टेष्टिङ्ग किट, २० वटा पल्स अक्सिमिटर, पोर्टेवल सुक्सन मेसिन र सात वटा नेवुलाइजर मेसिन प्रदान गरेको जनाइएको छ ।
उपप्रमुख लक्ष्मी गौतमले कारितासको सहयोगबाट इटहरी अस्पताल र इटहरी आइसोलेसनको स्वास्थ्य सेवामा महत्वपूर्ण योगदान पुग्ने बताउदै सहयोगी संस्थालाई धन्यावद ज्ञापन गर्नुभएको थियो ।
इटहरी अस्पतालको सेवा विस्तार भइरहेको अवस्थामा स्वास्थ्य समाग्रीले निक्कै सहयोग पुग्ने उहाको भनाई थियो ।
कोभिडसँग जुध्न ११ जिल्लामा १० करोड बरावरको स्वास्थ्य समाग्री सहयोग गरिसकेको र आगामी दिनमा अझै स्थानिय तहको समन्वयमा आश्यक स्वास्थ्य सामाग्रीहरु सहयोग गदै जाने कारितास नेपालको योजना छ ।
Copyright © 2019 / 2026 - Junkirikhabar.com All rights reserved
