भदौ ३० गते स्वरोजगार फर्ममा तोक लगाउन कार्यकक्षमा पुगेकी एक महिला सेवाग्राहीलाई इटहरी उपमहानगरपालिकाका प्रमुख द्धारिकलाल चौधरीले अपमान गरेको भन्दै महिलाहरु केही दिन देखी निरन्तर आन्दोलनमा उत्रिएका छन् ।
इटहरी–४ का सिता शेर्पा राई र शर्मिला भट्टराई अनुदानको रकमको लागी हस्ताक्षर गर्न मेयर चौधरी समक्ष पुगेका बेला आफुहरुलाइ मेयर चौधरीले अपमान गदै अपशब्द बोलेको बताएका छन् ।
बैठक चलिरहेको बेला अनुमति सहित मेयर कक्षमा निवेदन बोकेर पुगेका उनिहरुलाइ मेयर चौधरीले यो आइमाईलाई कसले भित्र छिर्न दियो निकालिहाल भन्दै अपशब्द बेलोपछि सेवाग्राही राई र भट्टराईलाई बाहिर निकालिएको थियो ।
आफुहरुलाइ सुन्दै नसक्ने शब्दले अपमान गरी गालि गलौज गरेको पिडित महिलाहरुले बताएका छन् । आफुहरु हिंसा पीडित महिलालाई स्वरोजगारको लागी आएको १० हजार रुपैया लिन जादा मेयर चौधरीले अपमान गरेको पिडित महिलाहरुको गुनासो छ ।
चटपटे, पानी पुरी व्यवसाय गर्नको लागि अनुदानको फर्म लिएर जादा मेयरको बोलीले गर्दा समग्र महिलालाइ नै चोट पुग्ने काम भएको उनिहरु बताउछन् ।
पिडित महिलाहरुले मेयर सार्वजनिक रुपमा अब माफी माग्नु पर्ने माग राखेका छन् । साथै मेयर चौधरीका स्वकीय सचिव सूर्य चौधरीले पनि आफुहरुलाई अपमान गरेको उनिहरुको दाबी छ ।
‘हातमा सुनको बाला, घाँटीमा सुनको सिक्री लाउने मान्छे सहयोग माग्दै हिँड्न लाज लाग्दैन ? भन्दै झपारेको शेर्पाले बताइन् । आफू भट्टराईको साथी मात्र गएको बताउँदै उनले ग्यारेन्टीवाला सुन लगाएकोमा मेयरका पिएले आपत्ति जनाएको बताइन् ।
पीडित महिलाको समर्थनमा विभिन्न १५ सङ्गठन र महिला अधिकारकर्मीहरूले अराजक मेयर चाइदैन, जथाभाबी बोल्न पाइदैन, महिलालाइ न्याए दे जस्ता नारा लगाइ नगरपालिकाको अगाडि विरोध जनाएका छन् । नेपालको संविधानले सुनिश्चित गरेको संवैधानिक हक र अधिकार कार्यान्वयन गर्नु राज्यको दायित्व रहेको उनीहरूको बुझाई छ ।
बिरोध कार्यक्रममा महिला सञ्जाल इटहरी ,प्रोत्साहन नेपाल , महिला सहयोगी समुह , साथी फाउण्डेशन , मानव अधिकार रक्षक सञ्जाल, नारी चेतना समाज , जागृति महिला महासंघ लगायतका संघसंस्थाले केही समयमा नगरपालिका अगाडि प्रदर्शन गरेका थिए ।
यता मेयरले महिलाहरुमाथि गरेको अभद्र व्यवहार बिरुद्ध यतिबेला सामाजिक सञ्जालमा समेत चर्काे बिरोध भइरहेको छ ।
Copyright © 2019 / 2026 - Junkirikhabar.com All rights reserved
