इटहरी ३ स्थित सुनौलो बस्तीमा छुरा प्रहारबाट एकजनाको मृत्यु भएको छ । स्थानीय ५८ बर्षिया देवी प्रसाद अधिकारीको छुरा प्रहारबाट सोही स्थान बस्ने बर्ष २२ का राजु थापाको मृत्यु भएको हो ।
छुरा प्रहार गर्ने अधिकारी र मृत्यु हुने थापा छिमेकी हुन । दिउसो भएको सामान्य विवादको विषयलाई लिएर अधिकारी र थापाबीच भएको विवादको क्रममा अधिकारीले छुरा प्रहार गरेको इटहरीका डिएसपी अर्जुन केसीले बताए ।
छुरा प्रहारबाट गम्भीर घाइते भएका थापाको उपचारको लागि धरानस्थित विपी कोइराला स्वास्थ्य विज्ञान प्रतिष्ठानमा लैजाँदै गर्दा बाटोमा मृत्यु भएको थियो ।
थापाको मृत्यु भए पश्चात आक्रोशित स्थानीय र आफन्तले अधिकारीको घरमा आगजनी गरेका छन् । इलाका प्रहरी कार्यालय इटहरीका डीएसपी अर्जुन केसीका अनुसार छुरा प्रहार गर्ने अधिकारीलाई नियन्त्रणमा लिइएको छ ।
Copyright © 2019 / 2026 - Junkirikhabar.com All rights reserved
