थारु समुदायले मनाउने जितिया पर्वको अवसरमा थारु चलचित्र तथा सांस्कृतिक सघं जिल्ला कार्यसमिति सुनसरीको आयोजनामा ‘जितिया महोत्सव २०७८’ हुृने भएको छ ।
रामधुनी नगरपालिका ५ स्थित म्याजिक सिनेमा हल छेउमा असोज १३ गते महोत्सव आयोजना गर्न लागिएको आइतबार पत्रकार सम्मेलन गरि आयोजक पक्षले जानकारी दिएको हो ।
समुदायको सांस्कृतिको विकास, एकता र सद्भाव कायम गराउन, पहिचान परम्परा, प्रथा तथा संस्कृति जोगाउदै भावी पिढिलाई निरन्तरता कायम गराउने उद्धेश्यका साथ कार्यक्रम गर्न लागिएको आयोजकको भनाइ छ । कार्यक्रममा सुनसरी, मोरङ्ग, सप्तरीका थारु त्था अन्य समुदायको सहभागीता रहने छ ।
बिहान १० बजेदेखि सुरु हुने कार्यक्रममा थारु समुदायको भेषभुषामा झाँकी, ्याली सहित झुम्का बजार परिक्रमा गरेर सुरुवात गर्ने बताइएको छ । कार्यक्रममा पौराणिक धुर्मा नाच तथा अन्य मनोरञ्जनात्मक सांस्कृतिक नृत्यहरु प्रदर्शन गरिने छ । ३ लाख ३५ हजारको कुल लागतमा कार्यक्रम गर्न लागेको समेत आयोजकले जनाएको छ ।
Copyright © 2019 / 2024 - Junkirikhabar.com All rights reserved
