इटहरीको इप्पील्याण्ड एण्ड वाटर पार्क विश्व पर्यटन दिवसको अवसरमा प्रसंशापत्रद्वारा सम्मानीत भएको छ ।
४२ औँ विश्व पर्यटन दिवसको असरमा सँस्कृति, पर्यटन तथा नागरिक उड्डयन मन्त्रालयले इप्पील्याण्डलाई प्रसंशा पत्र प्रदान गरेको हो । प्रदेश १ को पर्यटन क्षेत्रको विकास र प्रवद्वनको लागि इप्पील्याण्डले महत्वपूर्ण भूमिका निर्वाह गरेको भन्दै सम्मान पत्र प्रदान गरिएको जनाइएको छ ।
यो सम्मानले आफूहरुको सेवा प्रवाहमा थप हौसला प्रदान गरेको इप्पील्याण्डका सिइओ ज्ञानविक्रम शाहले जानकारी दिनुभयो । कोरोना महामारीको प्रभावको कारण सोचे अनुसारको पूर्वाधारको विकास र पर्यटक भित्र्याउन समस्या भएको उहाँले जानकारी दिनुभयो ।
५५ करोडको लागतमा स्थापना भएको यो पार्क सञ्चालन ताका नै कोरोना महामारीले प्रभाव परेको थियो । गत फागुन ११ गतेदेखि औपचारी रुपमा यो पार्क सञ्चालनमा आएको थियो । तर, त्यसको दुई महिना नवित्दै पुनः कोरोना महामारीले पार्कलाई असर पुर्याएको थियो ।
लामो समय बन्द रहेको यो पार्क भोली अर्थात् विहिबारबाट पुन सञ्चालनमा आउने भएको छ । पार्कलाई विस्तार गर्दै ओलम्पीक स्तरको अभ्यास र प्रतियोगिता आयोजना गर्न सकिने स्वीमिगं पुल निर्माण गरिने, रात्रिकालिन खेल, आवास लगायत विस्तार गर्ने आगामी योजना रहेको पार्कका अध्यक्ष भिमवहादुर पौडेलले जानकारी दिनुभयो ।
पार्कले सम्मान पाएको अवसरमा विहिबारदेखि एक हप्तासम्म प्रवेश शुल्कमा छुट दिने भएको छ । यस अघि विभिन्न दरका टिकट दिँदै आएको पार्कले एक साता ५०० र ३०० दरका टिकट मात्रै निकाल्ने जानकारी दिइएको छ ।
Copyright © 2019 / 2026 - Junkirikhabar.com All rights reserved
