कोसी टप्पु वन्यजन्तु आरक्षमा लामो समय देखि बस्दै आएको मकुना नामक जङ्गली हात्ती मृत अवस्थामा फेला परेको छ ।
कोसी टप्पु वन्यजन्तु आरक्ष कार्यालयभन्दा ५ सय मिटरको दूरीमा मकुना आज बिहान मृत अवस्थामा भेटिएको स्थानीय प्रत्यक्षदर्शीले बताएका छन् ।
कोसी टप्पु वन्यजन्तु आरक्षका प्रमुख अशोक रामका अनुसार हात्तीको मृत्यु करेन्ट लागेर भएको जस्तो देखिन्छ । अहिले प्रारम्भिक अनुसन्धान भइरहेको उनले बताए । आरक्षको मध्यवर्ती क्षेत्रको धानवारिमा मृत भेटिएको हात्तीको मृत्युको कारण तत्काल खुल्न सकेको छैन ।
केही समय अघि मकुनाले नजिकका बस्तीमा निस्किएर मानिसहरूको ज्यान लिएको भन्दै सुनसरी प्रशासनले हात्ती मार्ने योजना अगाडी ल्याएको थियो । तर, सर्वत्र विरोधपछि प्रशासन आफ्नो निर्णयबाट पछि हटेको थियो । मकुना हात्ती कोसी टप्पु वन्यजन्तु आरक्ष क्षेत्रमा लामो समय देखि बस्दै आएको रैथाने जङ्गली हात्ती हो ।
Copyright © 2019 / 2026 - Junkirikhabar.com All rights reserved
