मोरङको बलियामा रहेको गोकर्ण वाटर पार्क एन्ड रिसोर्टमा आज दसैं विशेष कन्सर्ट आयोजना गरिएको छ ।
विजया दसैँ तथा शुभ दिवपालि लक्षित कार्यक्रममा लाइभ म्युजिकसङै सम्पूर्ण आगन्तुकलाई पार्क प्रवेश गरेपछि लाइभ म्युजिकमा भने निशुल्क प्रवेश दिइने रिसोर्टको ब्याबस्थापक एवम् प्राइड हस्पिटालिटिका प्रमुख कार्यकारी अधिकृत नितेश पोख्रेलले जानकारी दिए ।
स्पर्श नेपाल ब्यान्डको प्रस्तुतिका साथमा लाइभ म्युजिकल पार्टी हुने र दसैँ विशेष खानासमेत प्रस्तुत गरिने बताइएको छ ।
सोमबार दिउँसो ३ बजेबाट सुरु हुने कार्यक्रममा लाइभ मोमो , चाट , पानीपुरि जस्ता फास्ट फुड राखिने प्राइडले जनाएको छ । पूर्वको सुन्दर सहर इटहरीबाट नजिकै सुन्दरहरैचाको बलियामा रहेको गोकर्ण रिसोर्टमा आयोजना हुने कार्यक्रममा दुई सयभन्दा बढी आगन्तुकको भिड हुने अनुमान गरिएको छ ।कार्यक्रमलाई इटहरीको ग्यालरी इभेन्टले सहकार्य गरेको छ ।
