९ हजार ६९७ नमूना परीक्षणमा ५ सय ९१ जनामा कोरोना भाइरस (कोभिड–१९) संक्रमण पुष्टि भएको छ। पछिल्लो २४ घन्टामा ७ हजार ६ सय ५४ नमूनाको पीसीआर र २०४६ नमूनाको एन्टिजेन विधिबाट परीक्षण गरिएको थियो। जसमध्ये पीसीआर विधिबाट ५२३ र एन्टिजेन विधिबाट ६८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
मन्त्रालयका अनुसार पछिल्लो २४ घन्टामा कोरोनाबाट थप ९ जनाको मृत्यु भएको छ। आइतबार कोरोनाबाट ६ जनाको मृत्यु भएको थियो। योसँगै नेपालमा कोरोनाबाट मृत्यु हुनेको संख्या ११ हजार २९३ पुगेको हो। मन्त्रालयका अनुसार सोमबार थप ९ सय ३७ जना कोरोनामुक्त भएका छन्।
कोरोनाका सक्रिय संक्रमितको संख्या ११ हजार ८७४ पुगेको छ। मन्त्रालयका अनुसार संक्रमित २८० जनाको भेन्टिलेटरमा र ९९ जनाको आइसीयूमा उपचार भइरहेको छ।
Copyright © 2019 / 2026 - Junkirikhabar.com All rights reserved
