बीपी कोईराला स्वास्थ्य विज्ञान प्रतिष्ठान धरानका पदाधिकारी हटाउन सरकारले तयारी थालेको छ। आर्थिक अनियमितामा मुछिएका प्रतिष्ठानका तीन पदाधिकारी हटाउन र प्रतिष्ठान सुधार गर्न स्वास्थ्यमन्त्री विरोध खतिवडा नेतृत्वको टोलीले मंगलबादेखि छानबिन सुरु गरेको हो।
बीपी प्रतिष्ठानका उपकुलपति डाक्टर ज्ञानेन्द्र गिरि, शिक्षाध्यक्ष डाक्टर गुरु खनाल र निर्देशक डाक्टर गौरीशंकर साहले प्रतिष्ठान सञ्चालन गर्न नसकेको र करोडौं भ्रष्टाचार गरि प्रतिष्ठानलाई धरासायी बनाएको भन्दै यहाँका चिकित्सक र कर्मचारीले पाँच महिनादेखी आन्दोलन गरिरहेका छन्। धरानवासिले समेत प्रतिष्ठान सुधार र भ्रष्टाचारी पदाधिकारी हटाउन माग गरेपछी प्रधानमन्त्री शेरबहादुर देउवाले स्वास्थ्यमन्त्री खतिवडाको नेतृत्वमा स्वास्थ्य सचिव डाक्टर रोशन पोखरेल र धरानका मेयर तिलक राई सदस्य रहेको छानबिन टोली गठन गरेका थिए।
प्रतिष्ठानका पदाधिकारी हटाउनका लागि टोलीले आन्दोलनरत चिकित्सक, कर्मचारीको राय समेत लिएको छ।
Copyright © 2019 / 2026 - Junkirikhabar.com All rights reserved
