सशस्त्र प्रहरीका एक अधिकृतले अर्काको निजी जग्गामा वाल लगाइदिएका छन् । सशत्र प्रहरी बल नं १ बराह बाहिनी मुख्यालय पकली अन्तर्गतको ३७ नं गणका गणपति प्रहरी उपरीक्षक प्रविण कँडेलले रोशन भट्टराईको जग्गामा जग्गा मिचेर पर्खाल लगाइदिएका हुन् ।
इटहरी १७ पकलीमा सालीको नाममा रहेको जग्गाको किता नं १६७१ रहेको साढे १२ धुर जग्गामा अधिकृतले १ धुर जग्गा मिचेर करिब ४ फिटको पर्खाल बनाएकोमा भट्टराईले बताएका छन् ।
साली हाल अष्ट्रेलियामा बसोबास गर्दै आएको हुँदा भट्टराईले उक्त जग्गा रेखदेख गर्दै आएका छन् । उपरीक्षक कँडेलले दुई महिना अघि मात्र सो पर्खाल लगाएका हुन् । तिन वर्ष अघि जग्गा खरिद पछी पहिलोपटक पर्खाल लगाउँदा जग्गाधनीको सहमति लिएर पर्खाल निर्माण गरेका थिए ।
यद्यपि, यसपटक भने सिमानामा रहेका जग्गाधनीको सहमति बिना अन्दाजी ४ फिट लामो वाल बढाएको छ ।
काम बिशेषले काठमाडौँ बस्दै आएका भट्टराईले इटहरी आउँदा जग्गा हेर्दा वाल लगाएको जानकारी दिए । उनले जग्गाधनीलाई एकपल्ट पनि नसोधी वाल लगाउनु गलत भएको बताए ।
वाल लगाएको विषयमा भट्टराईले कँडेलसँग जानकारी लिदा प्रहरीको धाक दिएको उनको दाबी छ । यता प्रहरी उपरीक्षक कडेल भने आफूले मापदण्ड पुर्याएर पर्खाल लगाएको प्रतिकृया दिए ।
Copyright © 2019 / 2026 - Junkirikhabar.com All rights reserved
