सुनसरीको बराहक्षेत्र नगरपालिका ६ चक्रघट्टी बजारमा बगैचा नेपाल एग्रीकल्चर प्रालि सञ्चालन गरेर किसान तथा व्यापारीहरुको लाखौं ठगी गरेर फरार एक व्यक्ति पक्राउ परेका छन् ।
जिल्ला प्रहरी कार्यालय सुनसरीका अनुसार काठमाण्डौं बुढानिलकण्ठ २ बस्ने ४३ बर्षीय दिपककुमार खड्का ठगी गरेको आरोपमा पक्राउ गरेका हुन् । उनले चक्रघट्टी क्षत्रका कृषकहरु, व्यापारीहरुलाई ठगी गरेका थिए । यस्तै, भोजपुर जिल्लाबाट दशैंका लागि बिक्री गर्न ल्याएको २८ वटा खसी बोकासमेत गरि १० लाख ९८ हजार ९ सय ९७ रुपैया बठी गरेको खुलेको प्रहरीले जनाएको छ ।
उनको ठगीबारे पीडितहरुले निवेदन दिएपछि प्रहरीले सोमबार बराहक्षेत्र एरियाबाट पक्राउ गरेको प्रहरीले जनाएको छ । साथै, ठगी सम्बन्धी कसुरमा सुनसरी जिल्ला अदालतबाट ७ दिनको म्याद लिएर थप अनुसन्धान कार्य भइरहेको पनि सुनसरी प्रहरीले जानकारी दिएको छ ।
Copyright © 2019 / 2026 - Junkirikhabar.com All rights reserved
