अभिभावक गुमायर होस या परिवारबाट बेपत्ता भएकाहरूका लागी चाडपर्वको दिन कालो दिन हुने गर्दछ । हरेक बालबालिकाहरू आफ्ना अभिभावकहरूसँग चाडपर्व मनाउनु उत्सुक हुन्छन तर त्यो सपना भने सबैको पुरा हुदैन । यसरी अभिभावक नभएका सडक बालबालिकाहरूका लागी सुनसरीको इटहरीमा सामूहिक रुपमा तिहारको टिका लगाइएको छ ।
६ नम्बर वडा वाल सञ्जाल, इन्ट्राक्क क्लब अफ पिसिजोन, पेरीस वाल क्लबको संयुक्त आयोजनामा देउसी भैलो कार्यक्रम खेली त्यहाँ संकलन भएको रमकबाट इटहरीको बालग्राममा रहेको भ्वाइस अफ चिल्ड्रेनमा रहेका बालबालिकाहरूलाई टिका लगाइएको हो ।
मुख्यतया बालबालिकाहरूले चाडपर्वमा आफ्ना अभिभावकको बढि सम्झना गर्ने गर्दछन् यसरी अभिभावकको सम्झना र मानसिक तनावबाट मुक्त गराउन हरेक वष भ्वाइस अफ चिल्ड्रेनमा टिका लगायतका खेलकुद कार्यक्रमहरू गर्ने गरेको विगत ७ वर्षबाट भ्वाइस अफ चिल्ड्रेनमा कार्यरत प्रकास परियार बताउनु हुन्छ ।
हाल यस संस्थामा रहेका १५ जना भन्दा माथिले भाइटीका लगाएका छन् । खाने परिकार देखि नाचगान सम्म गर्दै खुसी समेत साटासाट गरेका हुन् ।
Copyright © 2019 / 2026 - Junkirikhabar.com All rights reserved
