मंसिर २, २०७८
जुनकिरी खबर

सुनसरीमा १८० केजी गाँजा बरामद

सुनसरीको देवानगंज गाउँपालिका–४ बाट ठुलो परिणामको गाँजा सहित एक जना पक्राउ परेका छन् । बुधवार दिउँसो देवानगंज स्थित सीमा क्षेत्रमा इलाका प्रहरी कार्यालय देवानगंजबाट खटिएको चेकिङ टोलीले सवारी साधन चेक जाँच गर्ने क्रममा प्रदेश –१–०४–००१ त ०६६६ नम्बरको ट्याक्टर चेकजाँच गर्ने क्रममा उक्त ट्याक्टरमा १८० केजी गाँजा फेला परेको थियो । चेकजाँच हुने क्रममा ट्याक्टर चालक फरार भएका थिए भने उक्त ट्याक्टरलाई को २९ प ८४८६ नम्बरको मोटरसाइकलले स्कटिङ गर्ने देवानगंज गाउँपालिका–५ का २५ वर्षीय सन्तोष कुमार मेहेता पक्राउ परेका हुन् ।

मेहेताले उक्त ट्याक्टरको ट्रलीमा फल्स बटम तयार गरि गाजाका पोका हालेर सिमा कटाउन खोजेका थिए । जिल्ला प्रहरी कार्यालय सुनसरीका प्रहरी उपरीक्षक संजय सिह थापाले प्रहरीको सकृयतामा बरामद भएको गाजाको नेपाली मुल्य करिब २२ लाख बराबरको भएको पत्रकार सम्मेलनमा जानकारी दिनुभयो ।

फरार भएका चालकको खोजतलास भईरहेको छ भने बरामद भएको गाँजा, ट्याक्टर र मोटरसाइकल समेत नियन्त्रणमा लिई थप अनुसन्धान भइरहेको जिल्ला प्रहरी कार्यालय सुनसरीले जनाएको छ ।