ग्यालरी इभेन्टर्सले अंग्रेजी नयाँ वर्षको अवसर पारेर इटहरीमा रिफ्रेस नाइट कन्सर्ट आयोजना गर्ने भएको छ । अंग्रेजी नयाँ वर्षको अवसर पारेर आगामी पुस १७ गते इटहरी रङ्गशालामा रिफ्रेस नाइट आयोजना गर्न लागेको आयोजकले पत्रकार सम्मेलन गरेर जानकारी गराएको हो ।
पत्रकार सम्मेलनमा कार्यक्रम संयोजक विजय गिरीले ख्याति प्राप्त राष्ट्रिय कलाकारहरू अल्मोडा राना उप्रेती र प्रकाश सपूत लगायतका कलाकारहरूले प्रस्तुति रहने बताए । त्यसै गरी संयोजक गिरीले कार्यक्रमबाट बचेको रकम इटहरीमा मानसिक रोगीहरूलाई समेत संरक्षण गर्दै आएको माया घर नेपाललाई सहयोग गर्ने जानकारी दिए ।
कार्यक्रममा प्रदेश नम्बर १ मै चर्चित बिहानी डान्स सेन्टर इटहरीको प्रस्तुति समेत रहने छ । सांस्कृतिक कार्यक्रमका लागि प्रवेश शुल्क २५० रुपैयाँ राखिएको तथा कार्यक्रमका लागि ८ लाख खर्च लाग्ने आयोजकले अनुमान गरेको छ ।
Copyright © 2019 / 2026 - Junkirikhabar.com All rights reserved
