विद्यार्थीको सिकाई तथा उपलब्धिको मापन गर्दै शैक्षिक गुणस्तर परीक्षण केन्द्र सानोठिमीले कक्षा ५ को सिकाई उपलब्धि प्रतिवेदन सार्वजनिक गरेको छ।
सार्वजनिक गरेको प्रतिवेदनमा गणित र नेपालीको सिकाई कमजोर रहेको छ। प्रतिवेदन अनुसार गणित भन्दा नेपालीमा कम सिकाई भएको देखिएको छ। जसमा गणितमा ३२ र नेपालीमा २० उपलब्धि रहेको छ।
चौविस जिल्लाका नमुना छनौटमा परेका १४ सय विद्यालयमध्ये ७ सय विद्यालयका १४ हजार २ सय ७ विद्यार्थीमा नेपाली विषय र ७ सय विद्यालयका १४ हजार १ सय ७४ गणित विषयमा गरी जम्मा २८ हजार ३ सय ८१ जना विद्यार्थी परीक्षणमा सहभागी भएका थिए। विद्यार्थीको वास्तविक क्षमतालाई आधार मानी राष्ट्रिय औसत ५ सय मानिएको छ।
प्रतिवेदनमा नेपालीमा सवभन्दा राम्रो सिकाई ५११ अङ्क ल्याउदै गण्डकी प्रदेश र ४८८ अंक ल्याउदै कर्णाली प्रदेशको रहेको छ। यस्तै गणितमा राम्रो प्रदेश नं. २ को ५२१ अंक ल्याउदै राम्रो र प्रदेश नं. ५ को ४८६ अंक ल्याउदै सिकाई कमजोर रहेको छ।
Copyright © 2019 / 2026 - Junkirikhabar.com All rights reserved
