ग्यालरी इभेन्टसले अंग्रेजी नयाँ वर्षको अवसर पारेर इटहरीमा रिफ्रेस नाइट कन्सर्ट आयोजना गर्ने भएको छ । अंग्रेजी नयाँ वर्षको अवसर पारेर आगामी पुस १७ गते इटहरी रङ्गशालामा रिफ्रेस नाइट आयोजना गर्न लागेको आयोजकले जानकारी गराएको हो । सो कार्यक्रमका संयोजक विजय गिरीले ख्याति प्राप्त राष्ट्रिय कलाकारहरू अल्मोडा राना उप्रेती, प्रकाश सपूत, धर्मेन्द्र सेवान र ‘कालो केसमा रेलीमै गीतका गायक दिनेश ढकाल लगायतका कलाकारहरूले प्रस्तुति दिने जानकारी गराए ।
त्यसै गरी संयोजक गिरीले कार्यक्रमबाट बचेको रकम इटहरीमा मानसिक रोगीहरूलाई समेत संरक्षण गर्दै आएको माया घर नेपाललाई सहयोग गर्ने जानकारी दिए । कार्यक्रममा प्रदेश नम्बर १ मै चर्चित बिहानी डान्स सेन्टर इटहरीको प्रस्तुति समेत रहने छ । सांस्कृतिक कार्यक्रमका लागि प्रवेश शुल्क २५० रुपैयाँ राखिएको छ भने भिआईपि पासको लागि १ हजार रुपैया टिकट निर्धारण गरिएको छ । कार्यक्रमका लागि ८ लाख खर्च लाग्ने आयोजकले अनुमान गरेको छ ।
३५ सय दर्शकहरुले नाइट कार्यक्रमको मजा लिने आयोजकले दाबी गरेको छ । कोरोनाको जोखिमलाई साबधानी अपनाउदै कन्सर्टमा आउने दर्शकहरुले अनिवार्य मास्क प्रयोगलाई पहिलो प्राथमिक्तामा राखेको जनाइएको छ । कार्यक्रमलाई अझै प्रचारप्रसारमा ब्यापक गर्नका लागि सामाजिक सञ्जाल टिकटक मार्फत पूर्वका लोकप्रिय टिकटकर बिनोद बस्नेत, निलसन जोडी, सुजा राइमाझी, मनिका बोहोरा, अमृत राइ लगायतको सहयोग गरेको आयोजकले जनाएको छ ।
Copyright © 2019 / 2026 - Junkirikhabar.com All rights reserved
