इटहरी ४ हलगडा गोर्खा बेकरी अगाडीको इटहरी धरान सडक खण्डमा ट्रकको ठक्करबाट एक बृद्धाको मृत्यु भएपछि केही घण्टा सडक अबरुद्ध भएको छ । स्थानीय ६५ बर्षीया देवी खड्कालाई ट्रक चालकले ब्याक सारेर हत्या गरेको भन्दै स्थानीयले ३ घण्टा सडक जाम गरेका थिए ।
पछाडी सारेर बृद्धाको ज्यान लिने चालकलाई जन्मकैदको फैसला नभएसम्म सडक नखोल्ने भन्दै सडक जाम गरिएको थियो। कुखुराका चल्ला र चारो बेकेर घर तर्फ आइरहेका बेला बिहान १० बजेर ५५ मिनेटमा प्रदेश १–०२ (००१ ख नम्बरको ट्रकले ठक्कर दिएको र उपचारका क्रममा मृत्यु भएको इटहरी प्रहरीले जनाएको छ ।
सडक आन्दोलनमा उत्रिएका स्थानीय तथा इटहरी ४ स्थित गंगालाल टोल विकास संस्थाका अध्यक्ष रत्न कार्कीका अनुसार ट्रकले मृत्क बृद्धाले बोकेको चल्ला र चारोको झोलालाई ठक्कर दिएपछि सडक लडेकी थिइन् । बाँच्ने ठाँउ हुँदा हुँदै ट्रक चालकले पछाडी सारेर पेल्ने काम गरेको कार्कीले जानकारी दिएका छन् ।
यता प्रहरीले चालकलाई हदै सम्मको कानूनी कारबाही गरिने अडान दिएपछि सडक सुचारु भएको थियो ।
Copyright © 2019 / 2026 - Junkirikhabar.com All rights reserved
