प्रदेश १ सरकारले न्यूनतम साझा कार्यक्रम शनिबार सार्वजनिक गरेको छ । मुख्यमन्त्री राजेन्द्रकुमार राईसहित प्रदेश सरकारका मन्त्रीहरूको उपस्थितिमा उक्त कार्यक्रम सार्वजनिक गरेका हुन् ।
प्रदेश सरकारले ल्याएको न्यूनतम साझा कार्यक्रममा यसअघि तत्कालीन एमाले सरकारले ल्याएको नीति तथा कार्यक्रम र बजेटमा नै उल्लेख भएका अधिकांश बुंदा रहेका छन् ।
पाँच दलीय गठबन्धनको समर्थनमा कात्तिक १६ गते मुख्यमन्त्री बनेका राईले कार्यकालको दोस्रो महिना बित्नै लाग्दा न्यूनतम साझा कार्यक्रम सार्वजनिक गरेका हुन् । प्रदेशमा कोरोना खोप लगाउन बाँकी रहेका बच्चादेखि वृद्धसम्म प्रत्येक व्यक्तिलाई आउँदो चैत मसान्तभित्र निःशुल्क खोप लगाउने न्यूनतम साझा कार्यक्रमको मुख्य क्षेत्रगत प्राथमिकता रहेको छ ।
Copyright © 2019 / 2026 - Junkirikhabar.com All rights reserved
